Според информациите кои пристигнуваат од
репрезентативниот табор, поради повреда, Бобан Николов отпадна за двата
последни дуели од квалификациите за Мундијалот идната година.
По ова, селекторот Игор Ангеловски упати дополнителен
повик за Адис Јаховиќ, кој игра во фантастична форма, а сениорите своите
подготовки ќе ги стартуваат денеска.
На првиот собир ќе недостасутваат Столе Димитриевски,
Стефан Ристовски и Езгјан Алиоски, тројцата доцна вечерва ќе допатуваат во
Скопје и ќе му се стават на располагање на селекторот Ангеловски.
Нашата најдобра фудбалска репрезентација со седум бода се
наоѓа на претпоследното, петто место во групата „Г“, Шпанија е прва со 22,
следи Италија со 19, односно Албанија со
13 бода. Пред нашата селекција се наоѓа Израел со 9 бодови, односно Лихтенштајн
е последен без бодови.
Извор/Фото-вест: ffm.mk