Манчестер Сити подготвува 200 милиони за двајца фудбалери на Баер Леверкузен

Манчестер Сити планира да продолжи со засилување на тимот и по крајот на сезоната, „граѓаните“ подготвуваат 200 милиони евра за ангажман на Флоријан Вирц и Џереми Фримпонг од Баер Леверкузен.

Актуелниот шампион на Англија во јануари инвестираше преку 200 милиони евра за ангажман на Омар Мармуш, Нико Гонзалез, Абдукодир Хусанов и Витор Реис, а инвестициите ќе продолжат и во летниот преоден рок.

Последните информации велат дека „граѓаните“ се подготвени да инвестираат нови 200 милиони евра за ангажман на двајца фудбалери на Баер Леверкузен.

Манчестер Сити сака да ги купи Флоријан Вирц и Џереми Фримпонг , кои ги гледаат како долгорочни замени за Кевин да Брајне и Кајл Вокер.