Тешкиот пораз од Барселона во финалето на Суперкупот на Шпанија донел тензија во соблекувалната на Реал Мадрид, на Карло Анчелоти му е преку глава од однесувањето на фудбалерите.
Карло Анчелоти полека го губи трпението со ѕвездите на Реал Мадрид, ова го пренесе новинарот Антон Меана, стратегот е фрустриран поради тоа што фудбалерите не ги слушаат неговите инструкции.
„Има проблем во соблекувалната, преку глава му е поради тоа што не го слушаат. На секој тренинг им повторува едно исто, дека е потребно залагање во играта во одбрана. Го има идентификувано проблемот, тимот одговара, но само во изолирани случаи, не го прават тоа во континуитет. Па фрустриран е затоа што цело време не се следат неговите инструкции“ – вели Антон Меана за тензијата во Реал Мадрид.
„Смета дека целата вина е врз него и неговите помошници. Можеби звучи себично, но е искрено, тој верува дека добро си ја врши работата. Верува дека неговите помошници исто така добро си ја вршат работата и тимот е подготвен да се надигрува со ривалите, но играчите не ги извршуваат неговите насоки и замисли“.