Анчелоти и Модриќ му даваат поддршка на Мбапе

Килијан Мбапе имаше бледа партија против Ливерпул на Енфилд, францускиот напаѓач промаши и пенал, па критиките на негова адреса се големи.

Мбапе е далеку од формата која ја имаше во ПСЖ и француската репрезентација, но луѓето од Реал Мадрид веруваат дека тоа наскоро ќе се промени.

„Мбапе ја има сета наша поддршка и наскоро ќе ја сврти ситуацијата. Тој е исклучителен фудбалер и мора да бидеме трпеливи. Тој е добар и се адаптира добро. Со него сме“, рече Анчелоти по мечот.

Поддршка стигна и од капитенот, Лука Модриќ.

„Го гледаме Мбапе на тренинзите, тренира добро, со самодоверба. Понекогаш работите не одат во негов правец, како пеналот. Но сигурен сум дека наскоро ќе биде таков каков што сите очекуваат да биде“, рече Модриќ.