Несторовски се врати во Хрватска, потпиша за Славен Белупо

По осум години поминати во Италија, Илија Несторовски се врати во Хрватска и потпиша за Славен Белупо.

Илија Несторовски е нов фудбалер на Славен Белупо, Македонецот попладнево потпиша на една година со клубот од Копривница.

Напаѓачот има убави спомени од настапите во Хрватска, во сезоната 2015/16 постигна 25 погодоци во дресот на Интер Запрешиќ, а добрите партии таа сезона му обезбедија трансфер во Палермо.

По три години поминати на Сицилија, Илија Несторовски се пресели во Удинезе, каде пројде четири сезони во кои забележа скромен учинок.

Минатата сезона Македонецот беше дел од Асколи во Серија Б.