Кутињо се поврзува со трансфер во Барселона, но Јирген Клоп изјави дека немаат намера да го продадат бидејќи е еден од клучните играчи на тимот.
Самиот Кутињо за „ЕСПН Бразил“ проговори за интересот од Барселона.
„Барселона е еден од најдобрите клубови во светот, но ништо не стигнало до мене бидејќи ако има било што најпрво ќе дознае мојот менаџер, јас треба да се фокусирам само на фудбалот“ – вели Кутињо.
„Имам договор со Ливерпул, пред нас е самиот финиш на сезоната и имаме големи шанси да се пласираме во Лигата на шампионите“.
„Јас треба само да се фокусирам на играта, а другите работи ги решаваат бизнис луѓето“.
„Среќен сум што знам дека толку голем клуб се интересира за мене, тоа е добро, ја препознале мојата работа, јас треба само да продолжам да работам напорно“.
„Ливерпул е голем клуб кој повторно го внесуваме во Лигата на шампионите“.