Роналдо со пораката до Мбапе сруши рекорд на Инстаграм

Трансферот на Килијан Мбапе во Реал Мадрид пред неколку дена беше и официјално потврден, а во таа ситуација се огласи и Кристијано Роналдо.

Роналдо до Мбапе остави порака преку коментар на фотографијата која ја објави францускиот голгетер.

„Мојот ред е да гледам. Возбуден сум што ќе те гледам како правиш хаос на Бернабеу“, гласеше тој коментар.

Со овој коментар Роналдо постави и рекорд на Инстаграм бидејќи тој коментар стана „најлајкуваниот“ во историјата на оваа социјална мрежа. Дури над четири милиони луѓе ја „лајкнаа“ пораката испратена од Португалецот.