Арсенал го победи Манчестер Сити, лондонско финале во ФА Купот (ВИДЕО)

Арсенал слави голема победа над Манчестер Сити во второто полуфинале од ФА Купот кое се играше денеска на Вембли.

По мирното прво полувреме во кое мрежите мируваа, следеа возбудувања во вториот дел. Во 62. минута Агуеро му донесе водство на Манчестер Сити.

Но, радоста на Граѓаните не траеше ни десет минути, во 71. минута по нафрлување од Чембрлејн, Монреал погоди за изедначување на 1-1.

Во регуларните 90 минути немаше победник, па се премина кон продолженија. Во 101. минута Алексис Санчез се најде на вистинското место и постигна гол за победа на Арсенал од 2-1.

Во финалето од ФА Купот Арсенал ќе игра против Челси кој вчера го победи Тотенхем со 4-2.