Милан беше голем фаворит во дуелот со Емполи, но направи голем кикс, загуби со 2-1.
Резултатот беше отворен на пет минути пред крајот на првиот дел кога Мхедлидзе му донесе водство на Емполи од 1-0.
Милан во 59. минута имаше голема шанса да го изедначи резултатот но Сусо промаши пенал. Казната стигна осум минути подоцна кога Тиам погоди за водство на Емполи од 2-0.
До крајот на мечот Милан успеа само да го намали водството на 2-1, што беше и конечен резултат.
Палермо на Несторовски и Трајковски доживеа вистински дебакл од Лацио, загуби со 6-2.
По само 26. минути игра беше 5-0 за Лацио, Кеита постигна хет-трик, Имобиле реализираше два погодоци.
Палермо во второто полувреме одговори со два гола на Рисполи за 5-2, но во судиското продолжение Креко постигнува погодок за конечни 6-2.
Несторовски го одигра целиот меч, Трајковски влезе на 15. минути пред крајот на мечот.
Наполи одигра 2-2 на гостувањето кај Сасуоло, Торино со 3-1 го победи Киево во Верона. Сампдорија со 2-1 загуби од Кротоне, а со истиот резултат Удинезе го совлада Каљари.