Јувентус вечерва
со пресврт во вториот дел славеше над Наполи со 3-1 во првиот натпревар од
полуфиналето во Купот на Италија.
Домаќините
постигнаа два гола од пенал, па „Наполитанците“ беа бесни на судијата Валери и
го прекинаа медиумскиот бојкот за да го изразат своето незадоволство.
„Решивме да го
прекинеме бојкотот за да им честитаме на момците за прикажаната игра и да
кажеме дека сме поразени поради одлуки кои не беа само сомнителни, туку и
срамни и на штета на целиот италијански фудбал” – рече по крајот на натпреварот спортскиот директор на
Наполи, Кристијано Џунтоли.
„За првиот пенал,
Дибала самиот изнуди контакт за пенал. Во прв момент помислив дека е пенал, но
откако ги водов повторените снимки го променив мислењето”.
„За вториот
пенал, Рејна прв стигна до топката, потоа не може едноставно да исчезне и
сосема нормално е тоа што имаше контакт”.
„Што е уште
полошо, ова се случи откако нам не ни беше досуден пенал, прекршокот врз Албиол
беше чист”.
„Одлуките на
судијата беа срамни”.