Во недела на Емирати се игра големото дерби на Северен Лондон меѓу Арсенал и Тотнем.
Тотнем денеска го пречекува Динамо Загреб, а Арсенал му гостува на Олимпијакос во Грција.
Артета пред извесно време се пожали дека Тотнем ќе има предност во дербито, ќе бидат посвежи бидејќи играат во Лондон, а фудбалерите на Арсенал треба да се враќаат од Грција.
На прес-конференцијата Мурињо беше запрашан што мисли за ова, дали неговиот тим има предност, дали ќе биде посвеж во однос на противникот, а тој одговори со прашање.
„На 6. декември, ние игравме против Арсенал на нашиот стадион. На 3. декември Арсенал играше дома против Рапид Виена, во исто време ние игравме на мраз во Линц против ЛАСК Линц. Во Лондон се вративме ноќта во 3 часот после полноќ. Дали тоа беше предност за Арсенал?“, праша Мурињо.