Алексис Санчез со два гола го предводеше Интер до победа над Парма и +6 на врвот (ВИДЕО)

Интер му побегна на Милан на +6, избраниците на Конте го искористија киксот на градскиот ривал и се зацврстија на врвот на табелата.

Вечерва „нероаѕурите“ со 1-2 триумфираа на гостувањето кај Парма. Алексис Санчез го отвори резултатот во 54. минута. Една топка од Лукаку сo многу среќа дојде до Чилеанецот, кој биеше силно, Сепе одбрани но топката ја помна гол линијата.

Во 62. минута Лукаку отвори контра, го проигра Санчез, кој по земја го матираше Сепе за 0-2.

Ернани во 71. минута ја затресе мрежата на Интер и најави интересна завршница, но Парма не успеа да го изненади фаворитот.