Рано стана јасно дека Ливерпул нема да ја одбрани титулата во Премиерлигата, иако почнаа добро, им се случи голем пад, па сега реалноста им е борба за топ 4.
„Пред сезоната знаевме дека сме добри. Но тоа не е нешто што ќе ви ја обезбеди титулата, туку само ќе ви ја зголеми одговорноста за да освоите нешто“, вели Клоп.
„Ние се уште сме добар тим, но се случија многу работи оваа сезона, а ако сакате да ја освоите лигата во Англија треба да играте речиси перфектно“.
„Тоа можете да го видите од Сити. Тие не почнаа перфектно, но јасно е дека сега се во форма која изгледа како перфекциија. Таква сезона треба да имате за да станете шампион во Англија“.
„Ние сезоната ја почнавме прилично добро. Долго време бевме на врвот и околу врвот, постигнувајќи голови. Проблемите кои ги имавме беше јасно дека ќе влијаат ако не ги решиме. И тоа се случи“.
„Најголемите проблеми се резултат на ситуацијата со повредите. Оваа година се соочивме со комплетно нови проблеми. Никогаш во мојот живот не сум имал вакви проблеми иако во работата сум 20 години, секој меч играм со различен состав“.
„Оваа сезона сум многу подобар тренер отколку што бев порано бидејќи ивообичаено не размисилувате на овие работи, но сега морав да мислам на нив и тоа постојано“.
„Луѓето мислат дека ова е изговор. Но не е, и не ми е грижа што мислат. Не ни е ова изговор, туку кога ќе ми поставите прашање за тоа, тоа е објаснувањето“.