Грилиш е еден од најдобрите играчи во средниот ред во Премиерлигата оваа сезона. Но Сколс смета дека треба да се проба и во голем клуб.
„Не ме сфаќајте погрешно, ми с едопаѓа фудбалерот, но ако игра вака во Манчестер јунајтед, Ливерпул или Сити, во некој од топ клубовите, тогаш ќе биде сметан за еден од најдобрите“, вели Сколс.
„Нема притисок во Астон Вила. А доколку е во топ клуб, тогаш ќе треба да победува секое коло. Треба да ја напушти Вила за да докаже дека е топ фудбалер“.
„Џек Грилиш е нешто како Ди Канио. Во Астон Вила се се случува околу него. Сега треба да излезе од тој клуб и да се пресели некаде каде на секој меч ќе се бара победа, каде што има притисок за освојување на трофеи“.
„Тој е способен да го прави тоа, но додека не го направи секогаш ќе има сомнеж“.