Преговорите меѓу Реал Мадрид Серхио Рамос за нов договор не се одвиваат онака како што посакуваат навивиачите на кралскиот клуб и реална е можноста тие да останат без својот прв капитен од следната сезона.
Се шпекулира дека Реал Мадрид повеќе е насочен кон ангажман на Алаба отколку продолжување на договорот со Рамос.
Серхио Рамос од овој месец може и официјално да преговара со заинтересирани клубови за неговите услуги, а низ медиумите се шпекулира со четири опции, тоа се ПСЖ, Манчестер Сити, Ливерпул и Јувентус.
И ПСЖ и Манчестер Сити беа посочени како клубовите кои можат да ги обединат Лео Меси и Серхио Рамос во еден клуб.
Ливерпул има проблеми со дефанзивата оваа сезона, тимот на пазарот ќе бара централни дефанзивци, а Серхио Рамос е една од метите во последно време.
Јувентус е шампион кога станува збор за ангажман на фудбалери на кои им истекува договорот, па не смее да се отфрли ниту можноста за повторно обединување на Рамос и Роналдо.