Првиот човек на
Јувентус, Андреа Ањели вели дека светот околу „Старата дама“ чека на кикс од
страна на шефот на стручниот штаб на таа екипа, Андреа Пирло за да дојде до
одреден притисок и дилеми околу тоа дали е направен вистинскиот избор.
Пирло седна на
клупата на Јувентус наследувајќи го Маурицио Сари, а претседателот на клубот
смета дека во Торино мораат да го заштитат својот поранешен фудбалер во
пречките кои ќе му стојат на патот до неговите цели.
„Светот околу нас
едвај чека да суди по неколку порази“ изјави Ањели.
„Тоа што
недостасуваше, во случајот со Пирло, е отсуството на подготовки од повисоко
ниво во пресрет на новата сезона, како и неговото прво искуство на клупата“
додаде отј.
„Ова значи дека
ќе треба да се придржуваме по неговиот првичен пат, кој нема да биде ослободен
од пречки наоколу, штом се соочиме со некоја пречка на патот, сигурно светот ќе
сака да му суди на Јувентус поради изборот кој го направи“ заклучи првиот човек
на италијанскиот првак.