Искусниот нигериски фудбалер на Олд Трафорд пристигна на позајмица во јануари откако Рашфорд се повреди.
Но поради пандемијата од коронавирус Игало одигра само осум натпревари на кои даде четири гола и остави одличен впечаток.
Манчестер јунајтед преговараше за продолжување на неговата позајмица до крајот на сезоната, но Кинезите не попуштаат и сакаат тој да се врати кај нив веднаш по 31 мај.
Оле Гунар Солшер сака да го има Игало до крајот на сезоната бидејќи Јунајтед игра во три натпреварувања и може да одигра до 18 натпревари за два месеци.
Игало ги почна тренинзите со Јунајтед надевајќи се дека нешто ќе се промени до 31 мај, но тоа е малку извесно.
Добра вест за Манчестер јунајтед е тоа што Маркус Рашфорд се очекува да биде фит до почетокот на продолжението од сезоната.