„Кориере дело Спорт“ денеска направи интервју со Горан Пандев, еден од хероите на Интер таа сезона.
„Поминаа речиси десет години, но тие спомени постепено ми се враќаат. Направивме нешто исклучително и не знам дали некој друг тим ќе може да го повтори тоа. Бевме многу силни и обединети како група, ништо не ни недостасуваше“, вели Пандев.
„Мурињо беше прекрасна личност и тренер кој ни даде толку многу“.
Пандев беше запрашан и кој гол му е најмногу драг.
„Секогаш ќе се сеќавам на голот во дербито против Милан кое го добивме со десет играчи.А потоа и голот против Баерн кој ни овозможи пласман во четвртфиналето од Лигата на шампионите. Имам многу убави спомени од периодот во Интер“.
„Точно е дека во јануари можев да се вратам во Интер. И покрај тоа што тоа е клубот кој ме донесе во Италија и ми го промени живтот, чувствував дека треба да останам во Џенова. Целта е да го спасиме тимот од испаѓање. Тука во Џенова луѓето ме сакаат и ова е местото каде што треба да ја завршам кариерата, во најстариот клуб од Италија“.