Коронавирусот ќе ги спушти цените на фудбалерите

Трансферот на Нејмар од Барселона во ПСЖ за 222 милиони евра имаше големо влијание на порастот на цените на сите фудбалери. Сумите значително се кренаа нагоре.

Очекувањата се дека и коронавирусот ќе изврши големо влијание, но овој пат цените на играчите ќе паднат.

Така размислува и директорот на Интер, Бепе Марота.

„Ќе видиме генерален пад на цените бидејќи проблемот е глобален. Ќе биде важно ресурсите да се насочат кон нашите академии“, вели Марота.

Фудбалските клубови трпат голем финансиски удар, значаен дел од нив веќе ги намалија платите на нивните фудбалери.