Бруно Фернандеш е
главна тема на Островот извесен период, како и во поголемиот дел од фудбалскиот
свет, а причина за тоа секако е големиот интерес кој постои за фудбалерот на
Спортинг Лисабон од страна на Манчестер јунајтед.
Нема дилеми дека
Фернандеш е приоритет за тимот од „Олд Трафорд“ во јануарскиот преоден рок, а
од Манчестер јунајтед и официјално потврдија дека веќе постигнале договор со
Спортинг Лисабон.
„Манчестер
јунајтед е воодушевен што може да објави дека постигнат е договор со Спортинг
Лисабон за трансфер на Бруно Фернандеш“ се вели во соопштението објавено на
официјалниот клупски сајт на Премиерлигашот од „Олд Трафорд“.
„По договорот
сега претстојат медицински прегледи и договор околу личните услови, следното
соопштение ќе биде објавено благовремено“ додаваат од таму, а ќе додадеме дека
сајтот на Премиерлигашот одреден период по објавувањето на веста беше паднат,
веројатно по големата навала на читатели која следеше по таа вест.
Manchester United is delighted to announce it has reached agreement with Sporting Clube de Portugal for the transfer of Bruno Fernandes.
The deal is subject to a medical and the agreement of personal terms.
A further announcement will be made in due course. pic.twitter.com/6bDVHszxL1
— Manchester United (@ManUtd) January 29, 2020