Буфон пред враќање во Јувентус, преговорите се во напредна фаза

По една година откако го напушти Јувентус и се пресели во ПСЖ, Буфон би можел да се врати во клубот каде што помина најголем дел од кариерата.

„Скај Спорт Италија“ објавува дека преговорите меѓу Буфон и Јувентус се во напредна фаза.

Планот е Буфон да брани уште една сезона по што ќе објави крај на кариерата, а потоа да биде дел од стручниот штаб на Маурицио Сари или да добие некоја директорска позиција во клубот.

„Засега ова е само идеја“, потврди неговиот агент, Силвано Мартина.

Откако го напушти ПСЖ, Буфон се поврзуваше со Порто, Парма, Бреша, Аталанта и Лидс, но се чини дека поголеми се шансите тој да се врати во Јувентус.