Поранешниот
напаѓач на Јувентус, Интер, Милан и Манчестер јунајтед, Златан Ибрахимовиќ вели
дека е легенда, а додава дека повеќе нема да има друг Златан во фудбалот,
додавајќи уште една легендарна изјава во неколкуте кои ги има дадено во
јавноста.
Во интервјуто кое
Швеѓанецот го даде за „ДАЦН“, тој говореше за себе, но и за неговото присуство
во американската МЛС, како и за неизвесноста во самиот шампионат.
„Јас не сум
изненадување, јас сум легенда. Во оваа лига, ќе видите работи кои не можевте да
ги видите во првата сезона од МЛС, ние сме доста зрели во споредба со
претходниот период, за титулата, сите натпревари ќе бидат отворени“ вели 37 годишниот
ветеран кој настапува за ЛА Галакси.
„Не гледам
фаворит, тоа е воедно убавината на МЛС, се гледам себе си како најголема
опасност во шампионатот, за секој противник. Златан. Постојат многу добри
фудбалери, но, не се гледам себе си во ниту еден од нив“ додаде тој.
„Деветката“ на ЛА Галакси досега на 39 настапи за американскиот клуб успеа да постигне 33 погодоци.