Со трансфер во ПСЖ, Де Лихт ја отвора вратата за големо засилување во Јувентус

„Скај Спортс“ италија пишува дека Мино Рајола е во Париз да го комплетира трансферот на Де Лихт од Јувентус во ПСЖ вреден 80 милиони евра.

Според „Спорт Медиасет“, ПСЖ е подготвен да го продаде Маркињос со цел да направи место за Де Лихт, а Јувентус со отворени раце ќе го прифати.

Маркињос беше еден од клучните играчи на ПСЖ во минатата сезона, имаше 44 настапи, постигна четири гола и два пати асистираше.

Тој пред да замине во ПСЖ играше за Рома, па добро ја познава италијанската лига.

Со 25 години тој би бил идеално засилување за Јувентус бидејќи е млад а веќе има големо искуство. Може да игра на различни позиции. Неговата цена е некаде околу 60 милиони евра.