Барселона синоќа доживеа нов срам во Лигата на шампионите, втора срамна елиминација по ред под водство на Валверде.
Ливерпул ја надигра Барселона и ја победи со 4-0, а голот во режија на Александер Арнолд и Ориги по брзо изведениот корнер беше посебна приказна.
„Доколку го видите тој гол на натпревар на деца до 14 или 15 години ќе си речете децата спијат, децата немаат менталитет да играат фудбал, децата треба да ги учат основите на играта“, вели Мурињо за Беин Спорт.
„Но тука зборуваме за најдобрите фудбалери во светот и да примите таков гол тоа навистина ја отсликува вашата состојба на умот“.
„На полувремето реков дека ако Ливерпул постигне втор гол атмосферата на Енфилд ќе биде навистина тешка за противникот и навистина беше така, но Барселона ги има некои од најдобрите играчи во светот. За нив природно е да играат на ова ниво, за Барселона е природно да игра големи мечеви, против Реал Мадрид, финале од Лига на шампиони, полуфинале секоја сезона…, атмосферата не треба да влијае многу“.
На Мурињо не му е јасно како Валверде може да дозволи Барселона да биде елиминирана по победа од 3-0 во првиот натпревар.
„Тоа е нешто што ми е тешко да го објаснам, тешко ми е да верувам дека мојот тим акопобеди со 3-0 во првиот натпревар, во реваншот да изгуби 4-0. Сакам да го видам Валверде да се обиде да го објасни тоа но мислам дека ќе му биде многу тешко да објасни“.