69
„Црвените“ го преживеја гостувањето кај Њукасл и со драматична победа се вратија на чело на табелата. Ливерпул два пати водеше, но домаќините не се предаваа.
Ван Дајк го отвори резултатот во 13. минута, а Атсу изедначи на 1-1 во 20. минута од мечот. Салах повторно го врати Ливерпул во предност, а Рондон на стартот од вториот дел донесе нови реми.
Потоа следуваше незгодна повреда на Египјанецот, на кого неколку минути му се укажуваше лекарска помош на теренот за потоа на носилки да биде изнесен надвор.
И кога се чинеше дека Њукасл ќе му го уништи сонот на Ливерпул за титулата, Ориги по еден прекин скокна највисоко и погоди за 2-3 во 86. минута од натпреварот.