Реал Мадрид
загуби на гостувањето кај Рајо Ваљекано на Столе Димитриевски минимално со 1-0,
а на победничкиот табор на три кола до крајот на овосезонската Примера му се
отворија барем минималните шанси за опстанок во елитното друштво на Шпанија.
Зинедин Зидан
беше доста револтиран од изданието на своите избраници, а додатно посочи дека и
самиот тој има одредена вина во тој шокирачки пораз, иако нема никакво
резултатско значење за Кралевите.
Сепак, една доста
збунувачка вест пристигна од таборот на Кралевите по гостувањето кај Рајо Ваљекано,
а истата говори дека Герет Бејл бил единствениот фудбалер на шпанскиот гигант
кој не си заминал со клупскиот автобус по мечот, а тоа го потврдија неколку тамошни
медиуми, сепак Марка ја објасни ситуацијата.
Велшанецот со автомобил се упатил кон аеродромот и со приватен авион си заминал
по мечот со Рајо Ваљекано, а според Марка, ова е дополнителна индикација дека Велшанецот е на излезна врата од клубот, и покрај фактот што Зидан им дал на
фудбалерите два дена одмор, а токму Велшанецот побарал посебен третман по мечот
со Рајо Ваљекано, и истиот му бил одобрен од страна на францускиот стратег.
Gareth Bale the only #RealMadrid player not to take team bus after Rayo Vallecano defeat in latest question mark over his future https://t.co/CfiR8kuzYN pic.twitter.com/qTvW8BDukz
— footballespana (@footballespana_) April 29, 2019
Токму Бејл е
фудбалерот за кого иднината на Сантијаго Бернабеу се чини најмногу виси на
конец, шпанските медиуми подолг период шпекулираат дека за него нема да има
место во тимот за идната сезона, а ситуацијата е таква што Реал Мадрид дури и
би се согласил да го испрати на позајмица Велшанецот.
Зидан беше
запрашан за иднината на Бејл во клубот по мечот кај Рајо, а францускиот стратег кусо им одговори
на новинарите дека треба да го прашаат него лично на таа тема, додавајќи дека не знае колку е фокусиран на клупските обврски.
Договорот на 29
годишниот Бејл истекува во 2022. година, а него може да го снајде истата
судбина како Хамес Родригез, чија позајмица во Баерн Минхен истече, а
Германците не ни помислуваат да ја активираат опцијата од 35 милиони евра за
целосно да го откупат договорот.
Се шпекулира дека
од друга страна пак Бејл не сака да си замине од шпанската престолнина, а пред
извесен период неговиот агент Џонатан Барнет јавно проговори и во изјава за
шпанската телевизија Кватро рече дека тој е среќен во клубот.