Арсенал го победи Барнли, три важни бода за топчиите (ВИДЕО)

По поразите од Саутемптон и Тотнем, Арсенал им се врати на победите откако денеска во првиот денешен меч од Премиерлигата го совлада тимот на Барнли.

Резултатот рано беше отворен, Озил фантастично додаде до Колашинац во 14. минута, а тој асистираше до Обамејанг кој постигна гол за водство на Арсенал од 1-0.

По три минути игра во второто полувреме нов гол на Обамејанг, Лаказет асистираше до стрелецот кој со силен удар ја смести топката под пречката на Барнли.

Гостите се вратија во игра со гол на Барнс во 63. минута, се обидуваа да избегнат пораз се до судиското продолжение во кое Ивоби даде гол и ги постави конечните 3-1.