Во последните секунди од натпреварот Ван Дајк биеше со волеј надвор од шеснаесетникот, неговиот удар беше толку лош што тој веднаш се изнервира, но топката имаше параболен тек и удри два пати во пречката, се врати во теренот од каде Ориги ја смести во мрежата на Пикфорд.
Голот иако е крајно несреќен за Евертон, оди и на душа на Пикфорд кој требаше подобро да реагира.
„Мислам дека голот ја отсликува среќата на Евертон кога гостува на Енфилд. Ова беше чуден гол, навистина. Ја удри пречката два пати, се обидов да ја удрам но не успеав, мојата рака ја удри пречката. Беше несреќа, но силен сум ментално. Сакам даим се извинам на фановите на Евертон. Мислам дека можете да го видите напредокот на тимот во последниот период, креираме шанси и играме добар фудбал. Уште еднаш им се извинувам на фановите на Евертон бидејќи знам колку им значи ова. А како играчи знаеме и нас колку ни значи. Се случуваат грешки и ќе се случуваат. Не е нешто што можете да го научите и да го тренирате за да бидете подобри. Ова беше еден чуден инцидент“, изјави Пикфорд.