Столе Димитриевски со одлична интервенција го сочува голот, Рајо стигна до првата победа на домашен терен (ВИДЕО)

Рајо Ваљекано на нашиот Столе Димитриевски конечно се радува на победа на „Ваљекас“. Вечерва малиот тим од Мадрид триумфираше со 1-0 над Еибар, кој минатото коло приреди големо изненадување и славеше со 3-0 над Реал.

Македонецот беше еден од најзаслужните откако во првиот дел имаше неколку интервенции, а особено се истакна по ударот на Џордан и спречи гостите да стигнат до водство.

По само неколку минути во продолжението од мечот, Ембарба погоди за 1-0 и донесе три бода.