Тотенхем го доби
дуелот со Интер пред своја публика, голот за победа, дело на Ериксен дојде дури
во 80. минута, но Премиерлигашот ги доби посакуваните три бода и влегува во
една супер интересна завршница во групата „Б“ од Лигата на шампионите.
Во моментов
Тотенхем и Интер имаат по седум освоени бода, но Премиерлигашот е пред
Калчолигашот поради подобриот меѓусебен дуел, а во последното коло Тотенхем
гостува кај Барселона, додека Интер игра на домашен терен против ПСВ, шефот на
стручниот штаб на тимот од Лондон, Маурисио Покетино смета дека претстојниот
предизвик не е невозможна мисија, а заклучи и што е потребно за дуелот со
Каталонците.
„Се’ е можно, јас никогаш не реков дека ова е
невозможна мисија, во фудбалот се’ може да се случи, потребно е само да верувате, ќе биде тешко, но,
верувањето од наша страна ќе биде мошне важно, сега имаме уште еден голем
предизвик, дербито со Арсенал, а потоа повторно ќе треба да бидеме подготвени“
рече Покетино.
„За да се
натпреваруваме со Барселона на најдобриот начин на кој ние умееме да го сториме
тоа, потребни ни се свежи нозе, мисли, и секако, не смееме да си дозволиме
повреда на некој од фудбалерите, имаме голема почит за Барселона, една од
најдобрите екипи во Европа, имаат неверојатни играчи, ќе биде тежок меч, но,
ние мораме да веруваме дека можеме до победа“ заклучи Аргентинецот.