Поранешниот фудбалер
на Реал Мадрид, Сантијаго Солари е на добар пат и официјално да го преземе
кормилото на шпанскиот гигант на подолг рок, откако денес истекува неговиот
привремен рок на таа позиција по отказот за Хулен Лопетеги.
Солари веќе
забележа четири победи во низа, а во Шпанија денес се шпекулираше дека
документите се веќе испратени до шпанската Куќа на фудбалот, откако рокот од 15
дена за одлука на Реал Мадрид околу Солари истекува денеска.
По гостинската
победа од 2-4 на гостувањето кај Селта изминатиов викенд во Примера,
дефанзивецот Алваро Одриозола, кој ги одигра сите 90 минути од таа пресметка
испрати јасна порака во однос на случајот со Солари.
„Знаеме дека
треба да работиме напорно за да излеземе од кризата во која сме, фокусирани сме
да играме за нашиот тренер, подготвени сме животот да го дадеме за него, знаеме
дека е одличен тренер, сакаме тој да продолжи“ порача 22 годишниот Одриозола.