И да го победи Њукасл, Мурињо викендов ќе добие отказ!?

„Мирор“ тврди дека од извор во Манчестер јунајтед дознава дека Жозе Мурињо викендов ќе добие отказ дури и да го победи Њукасл.

Манчестер јунајтед има очаен старт на сезоната во Премиерлигата, во моментов е на 10. место со дури девет бода заостанување зад првото место. Тие се без победа на последните четири меча во сите натпреварувања.

По мечот со Валенсија тимот доби свирежи од трибините, а тоа ги уверило челниците дека е време за промена на клупата.

Жозе Мурињо има нарушени односи со дел од фудбалерите на Јунајтед, со членови на раководството, а и голем број на фанови сметаат дека е време за промена.

Како прв фаворит за наследник на Жозе Мурињо се споменува Зинедин Зидан.