Реал Мадрид со помош на ВАР стигна до минимална победа на Еспањол (ВИДЕО)

Хулен Лопетеги реши да направи неколку рокади за овој меч, Крос не беше во составот, Бејл и Марсело останаа на клупата, а Одриозола го замени повредениот Карвахал.

Но и покрај ова, Реал Мадрид немаше многу проблеми во пресметката со Еспањол. Во натпревар без многу 100% шанси, „Кралевите“ триумфираа со 1-0.

Стрелец на погодокот беше Марко Асенсио во 41. минута. Во прв момент младиот Шпанец не се израдува бидејќи судијата досуди офсајд, но по прегледување на снимките покажа кон центарот.