Еден Бразилец си замина, друг дојде: Барса го потврди првото засилување за новата сезона

Откако Паулињо реши да се врати во Гуангжу Евергранде по само 12 месеци во Барселона, шампионот на Шпанија веднаш доведе нов Бразилец, на Камп Ноу пристигнува Артур.

Барса и Гремио уште во март си подадоа рака за трансферот на играчот, но тогаш планот беше фудбалерот од средниот ред да се пресели во Шпанија во зимскиот преоден рок, односно на почетокот од 2019.

Сепак, шампионот на Шпанија реши уште сега да го донесе Артур, потег за кој ќе се плати еден милион повеќе од она што беше договорено.

За 21 годишниот Бразилец, „Каталонците“ ќе искешираат 31 милион евра, плус уште додатни 9 милиони во најразлични бонуси. Играчот ќе стави потпис на шестгодишен договор и ќе добие откупна клаузула од 400 милиони евра.