Фудбалерите на Вардар успешно тргнаа во одбрана на титулата во Првата лига откако на свој терен денеска рутински ја оправдаа фаворитската улога против Брегалница славјеќи со 2-0.
Вардар настапи во изменет состав и дел од стандардните првотимици останаа на клупата, Фабијани се одлучи да ги чува силите за реваншот против Рига во вторник.
И во таква ситуација црвено-црните доминираа на теренот и лесно ги освоија бодовите. Резултатот беше отворен преку Данев по 27 минути игра. Само некоја минута подоцна и Закариќ ја погоди мрежата, меѓутоа неговиот гол беше поништен поради игра со рака по реакција на ВАР.
— goals (@StefanDaskalov5) July 25, 2026
Во продолжение Вардар долго време имаше минимална предност, меѓутоа сигурно ја чуваше предноста, а штипјани не успеваа да го загрозат голот на Диковски.
Точка на натпреварот беше ставена на десетина минути пред крајот кога Закариќ сепак се запиша во листата на стрелци.
— goals (@StefanDaskalov5) July 25, 2026