Фабрицио Романо кој важи најрелевантни новинари за фудбалски трансфери, се најде на мета на ЦСКА Москва, откако рускиот клуб јавно ги демантираше неговите информации поврзани со аргентинскиот офанзивец Езекиел Себаљос.
Романо претходно објави дека Наполи испратил понуда од 10 милиони долари за фудбалерот на Бока Јуниорс, а истовремено наведе и дека Себаљос одбил понуда од ЦСКА вредна пет милиони долари годишно, бидејќи не сакал да ја продолжи кариерата во Русија.
Од московскиот клуб реагираа со остро соопштение, тврдејќи дека таквите информации се целосно неточни.
„Фабрицио, престани да шириш невистини и глупости. Ти си почитуван новинар. ЦСКА никогаш не му понудила на ниту еден играч нето плата од пет милиони евра годишно. Разговорите со Бока Јуниорс завршија уште во февруари, немаше договор, ниту официјална понуда за играчот. Не планираме да ангажираме крилен фудбалер ова лето. Престани да го користиш нашето име за да олеснуваш трансфери или да ги зголемуваш барањата“, порачаа од ЦСКА.
🚨 Napoli are sending $10m official bid for Exequiel Zeballos to Boca Juniors after personal terms agreed.
— Fabrizio Romano (@FabrizioRomano) July 15, 2026
Zeballos wants Napoli as he turned down €5m net per year salary at CSKA Moscow.
Up to Boca Juniors.
🎥🇮🇹 https://t.co/KDiChkV14A pic.twitter.com/HBWQ8rqEAx