Еквадор приреди големо изненадување откако со 2-1 ја совлада Германија, освои три бода и се пласираше во следната фаза од Светското првенство.
Натпреварот почна со гол на Сане уште во втората минута, Германија поведе со 1-0 и во тој момент никој не ни помислуваше дека може Еквадор да излезе како победник.
Изедначувањето дојде исто така рано во 9. минута Ангуло постигна гол за 1-1. Со тој резултат заврши првото полувреме.
Победничкиот гол за Еквадор се случи во 77. минута кога Плата постигна гол за комплетен пресврт и водство од 2-1, што беше и конечен резултат.
Во вториот меч од оваа група Брегот на Слоновата Коска со два гола на Пепе го победи Курасао со 2-0.
Германија го освои првото место со шест бодови, исто толку има Брегот на Слоновата Коска на второто место, Еквадор е трет со четири бода, а Курасао е последен со еден бод.
Еквадор оди понатаму како една од осумте најдобро третопласирани селекции.