Англија со неколку големи таленти во својот тим падна во Скопје, македонските надежи покажаа дека можат многу повеќе од последното место кое го освоија во овие квалификации.
Натпреварот беше отворен уште во третата минута со прекрасен гол со ножички на Јани Атанасов.
Македонија создаде уште неколку шанси за поголема предност, но и Англија имаше свои можности за изедначување. Водството од 1-0 беше актуелно се до судиското продолжение кога Димитар Митровски по една одлична акција погоди и ја запечати победата од 2-0.
Во вториот денешен натпревар Летонија ја победи Унгарија со 3-2.
И покрај победата над Англија, Македонија како последна ги завршува квалификациите за Европското првенство поради поразите од Летонија и Унгарија во првите две кола. Првото место го задржа Англија која има ист број на бодови со Летонија но победа во меѓусебниот дуел.