Завршува сезоната во ПМФЛ, денеска се играат последните два меча

Денеска се затвора завесата на сезоната во Првата македонска фудбалска лига (ПМФЛ), на програмата се два натпревари, Македонија Ѓорче Петров го пречекува Силекс, а Тиквеш е гостин на Работнички.

Овие два дуели немаат никакво резултатско значење, се е веќе познато. Македонија Ѓорче Петров и Работнички кои се домаќини на денешните средби се веќе испаднати.

Силекс го освои Купот на Македонија и така обезбеди излез во Европа, а Тиквеш е сигурен во средината.

По денешните дуели ќе останат да се одиграат двата бараж натпревари за пополнување на лигата за следната сезона.

Брера ќе се бори со Скопје, а Пелистер ќе игра против Шкендија Арачиново.