Арбелоа: Фудбалерите во соблекувалната веќе викаат дека ќе победиме во Минхен

Реал Мадрид синоќа го загуби првиот четвртфинален меч против Баерн Минхен, но вербата во таборот на кралскиот клуб дека ќе одат понатаму е присутна.

Кралскиот клуб создаде повеќе шанси за гол, особено во второто полувреме, па чувството кај играчите на Реал Мадрид е дека може да победат на тешкиот терен во Минхен и да се пласираат во полуфиналето.

„Фудбалерите во соблекувалната веќе велат дека ќе победиме во Минхен“, Арбелоа откри каква е атмосферата по поразот.

„Фактот што Мануел Нојер беше играч на натпреварот е доказ дека ние навистина можеме да им зададеме удар“.

„Многу верувам во нашата можност да победиме во Минхен. Им верувам на моите фудбалери“.