Вардар би можел да ја зголеми аргентинската колонија доколку завршат успешно преговорите со 28-годишниот фудбалер Хоакин Торес.
Станува збор за офанзивен фудбалер кој настапува и на двете крилни позии. Потекнува од школата на Њуел Олд Бојс за кој и дебитирал во сениорска конкуренција.
Таму играл шест години пред да замине во странство. Има настапувано и во МЛС, во тимовите на Монтреал и Филаделфија Унион.
Со Торес се водат активни преговори, наводно тој прифатил да го облече црвено-црниот дрес, но останува да се прецизираат уште некои детали.
Ако позитивно завршат преговорите со Торес, тој би бил четвртиот Аргентинец во составот на Вардар.
