Во Куќата на фудбалот на ФФМ денеска беше одржана ждрепката за четвртфиналето во Купот на Македонија, актуелниот шампион Вардар за противник го доби Охрид, дербито е помеѓу Струга и Шкендија.
Извлечени се паровите за четвртифналето во Купот на Македонија, ждрепката попладнево беше одржана во Куќата на фудбалот на ФФМ.
Актуелниот шампион Вардар ќе игра против второлигашот Охрид, но противникот не е за потценување, се работи за лидерот во ВМФЛ по есенскиот дел од сезоната.
Дербито се игра во Струга, каде клубот од овој град ќе ја пречека Шкендија.
Натпреварите се играат на 25. февруари, а доколку по 90 минути нема победник, патникот во полуфиналето ќе се решава на пенали.
Денеска беше одредено и како ќе се вкрстува во полуфиналето, кое се игра во два натпревари во април месец.
Куп на Македонија:
Четврт-финале
(1) Вардар – Охрид Лихнидос
(2) Струга – Шкендија
(3) Шкендија Арачиново – Работнички
(4) Детонит Плачковица – Силекс
Полу-финале
Победник 1 – Победник 4
Победник 2 – Победник 3