Чаби Алонсо проговори за неговиот однос со Винисиус

Пред денешниот натпревар против Олимпијакос, тренерот на Реал Мадрид, Чаби Алонсо, зборуваше за неговиот однос со Винисиус Жуниор.

Често се пишува дека односот меѓу Винисиус и Алонсо не е најдобар и Бразилецот е еден од фудбалерите кои сакаат шпанскиот стратег да си оди од Реал Мадрид.

Но, Алонсо ги негира ваквите информации.

„Мојот однос со Вини е многу добар. Тој е клучен играч за нас и кога тој е среќен и се забавува, тоа секогаш е одлично за тимот“, вели Алонсо.

„Ние имаме меѓусебна доверба, зборуваме пред секој меч, тој знае што јас мислам, јас знам што тој мисли“.