Палермо заостанува само
еден бод зад лидерот Бари по 16 одиграни кола во италијанска Серија Б, а
одличните изданиија на тимот од Сицилија се должат на фантастичната форма на
капитенот Илија Несторовски кој со 10 погодоци е на делба на првото место на
листата на стрелците во лигата, а тој постигна речиси половина од головите на
Палермо засега (22).
Несторовски постигна гол
против Авелино во гостинскиот триумф од 1-3 изминатиов викенд, а со тоа стигна
до еден голем јубилеј.
За Македонецот „Газета
дело спорт“ напиша дека Несторовски веќе го надмина Лука Тони во една категорија,
италијанскиот напаѓач во сезоната 2003/04 постигна осум гола во првите 16 кола,
а нашиот напаѓач веќе 10 по 16 кола.
„Џорнале ди Сицилија“ во
своето издание пишува дека една третина од обидот на Несторовски да го сруши
рекордот на Лука Тони кој има постигнато 30 погодоци во една сезона е веќе зад
него, но со заостанување, статистички, па со ова темпо на крајот би можел да заврши со четири гола негатива зад тој рекорд, односно со 26 погодоци.
