Несторовски ја тресеше мрежата на Авелино, Палермо со играч помалку до победа од 1-3

„Сицилијанците“ привремено се најдоа на врвот на табелата откако попладнево триумфираа на гостувањето кај Авелино.

Резултатот беше отворен во 36. минута, Молина си постигна автогол за радост на Палермо. Но гостите во 42. минута останаа со играч помалку откако Чонек заработи директен црвен картон.

Сепак, веќе на стартот на вториот дел Гнахор погоди за 0-2, а потоа Илија Несторовски во 77. минута ја затресе мрежата на домаќините за 0-3 и ги реши сите дилеми околу победникот.

До крајот на средбата, Асенсио само постигна почесен гол за Авелино.