Стеауа е шокирана од топлото време во Скопје

Романскиот шампион, Стеауа пристигна во Скопје каде утре ќе игра против Шкендија меч од второто квалификациско коло во Лигата на шампионите.

Првиот впечаток на Романците не е позитивен. Нивните медиуми пишуваат дека во Скопје е прежешко до степен што е шок за фудбалерите.

„И во Романија е топло, но во Скопје температурата овие денови е над 40 степени Целзиусови и тоа е шок за фудбалерите на ФЦСБ. Утре, во времето на одигрување на натпреварот, околу 21 часот, се очекуваат 32 степена, а во текот на денот прогнозата вели дека ќе биде околу 44 степени. Временските услови се причина што атмосферата надвор од градовите во Македонија е пустинска, со многу малку зеленило“, пишува романскиот спортски весник Газета спортулолул.