Симоне Инзаги го анализира триумфот на Интер против Арсенал (1-0) во рамките на четвртото коло на Лигата на шампионите на „Џузепе Меаца“.
„Многу беше важно да победиме, моравме да се бориме против силен тим кој игра со многу интензитет и ни направи проблеми. Арсенал е еден од најдобрите клубови сезонава во Лигата на шампионите. Добро почнавме, а потоа во вториот дел моравме да се браниме силно. Ја посакувавме победата. Горди сме дека освоивме четири бода од мечевите со Манчестер Сити и Арсенал. Правилно е да се ужива во победата против импресивен ривал како Арсенал. Покажавме сплотеност, а одново се докажа дека имам 23 првотимци. И по измените, на теренот не се смени ништо и тоа ми се допаѓа“, изјави Инзаги.
Интер беше во подредена улога во текот на целиот меч. Свесно италијанскито стратег ја препушти средината од теренот и не сакаше да се наттрчува со ривалот. „Нераѕурите“ се бранеа компактно, со добар блок и сигурна скок игра.
На крајот, Интер славеше со единствениот удар во рамките на голот и тоа беше од белата точка. Од друга страна Арсенал креираше неколку опасни шанси, но немаше премногу обиди поради дефанзивниот пристап на ривалот.