Според „Дејли Мејл“, Покетино го одбил Реал Мадрид со цел да не си ја расипе репутацијата на лојалност која според него треба да послужи како пример пред фудбалерите.
Покетино се сретнал со луѓе од Реал Мадрид кои му дале конкретна понуда. Иако позицијата се смета за една од најголемите во светот на фудбалот, тој му го сврте грбот на кралскиот клуб, но покажа верност кон Тотенхем.
При крајот на минатиот месец Покетино постигна нов петгодишен договор со клубот од Северен Лондон за плата од 8,5 милиони фунти по сезона.
Тој не сакал само неколку дена по потпишувањето на новата соработка да замине од Тотенхем.
Покажал верност која сега бара да ја следат и останатите клучни фудбалери. Веднаш имал дискусии со Кристијан Ерикесен за неговата иднина. А очекува подобрени договори да потпишат и Хари Кејн и Деле Али.
Тој постојано им зборувал за лојалноста кон тимот на своите фудбалери и сметал дека ако сега го напушти Тотенхем и се пресели во Реал Мадрид ќе изгледаат празно неговите зборови и ќе ја сруши сета своја репутација.