Поранешниот
фудбалер на Манчестер јунајтед, Вејн Руни, упати сугестија до „некои“ фудбалери
на тимот од Олд Трафорд, дека не го даваат својот максимум, во однос на тоа што
го поседуваат како квалитет во себе, и им порача да дадат многу повеќе од себе
под водство на Мурињо.
„Очигледно е дека
тие минуваат низ еден тежок период, но Жозе Мурињо е доста искусен тренер и мислам
дека некои фудбалери мораат да дадат многу повеќе на теренот“ рече Руни.
Црвените ѓаволи
заостануваат девет бода зад лидерот Манчестер Сити по десет одиграни кола во
Премиерлигата, стрелци на погодоците во последната победа изминатиот викенд
против Евертон беа Пол Погба и Ентони Марсијал, тие беа едни од
најкритикуваните изминатите седмици.
Руни упати надеж
дека формата на тимот од Олд Трафорд ќе оди во нагорна линија, а до тоа може да
дојде со неколку победи во периодот кој претстои, во однос на шпекулациите дека
одредени фудбалери на гигантот одбиваат да играат под водство на Мурињо, тој
даде и свој коментар на таа тема.
„Се надевам дека
можат да дојдат до посакуваната форма во периодот кој претстои, да дојдат до
повеќе победи и да го одржат притисокот на врвот од Премиерлигата за да можат
да се вратат таму“ издвои напаѓачот на американската екипа ДЦ Јунајтед.
„Според моето
искуство, никогаш не сум видел или слушнал за фудбалер кој не сакал да игра на
одреден натпревари поради тоа што имал лош или разнишан однос со тренерот“
заклучи Руни.