Фудбалерите на Барселона вчера успешно ја завршија задачата во 29. коло од шпанската Ла Лига, откако на „Камп Ноу“ го совладаа Рајо Ваљекано со минимални 1-0, со што воедно обезбедија и пласман во Лигата на шампионите за следната сезона.
Единствениот гол на натпреварот го постигна Араухо во 24. минута, кога по корнер со глава ја затресе мрежата и донесе радост за домашните навивачи.
Барселона можеше и поубедливо да стигне до трите бода, но пропушти голем број изгледни шанси, па на крајот дури можеше да биде и казнета. Сепак, каталонскиот тим ја задржа предноста од четири бода пред Реал Мадрид, а успеа да оствари и уште една важна цел.
Имено, Барселона веќе го обезбеди своето место меѓу најдобрите четири екипи на табелата, со што автоматски си обезбеди и учество во Лигата на шампионите следната сезона.
Со тоа, избраниците на Флик станаа првиот тим што си гарантираше место меѓу 36-те најдобри клубови во Европа за наредната сезона.
✅ CONFIRMED
— Football Meets Data (@fmeetsdata) March 22, 2026
🇪🇸 Barcelona becomes the first of the 36 teams to mathematically confirm a place in 2026/27 edition of the 🔵 UEFA Champions League! pic.twitter.com/nwiUX8IAIe